De Wiehnachsmuus
De Wiehnachsmuus is sünnerbar
sogar för de Gelehrten
denn eenmal blot int ganze Johr
find se eere Fährten
Mit Fallen ode wenn man se röpt
kann man de Muus nich fangen
se is, wat dissen Punkt bedröpt
no ni int Fall gungen
Dat ganze Johr makt disse Muus
denn Minschen kine Plage
nu plötzlich ut dat Lok herut
krupt se annen Wiehnachsdage
Ton Bispill weer van dat Festgebäck
dat Mudder god verborgen
mit eenmal dat Beste weg
an denn ersten Wiehnachsmorgen
Do sä jeder lickherut
ik hebb dar nix van nomen
dat weer bestimmt de Wiehnachsmuus
de över Nach weer komen
Eeen anner Mal verschwund sogar
dat Marzipan von Peder
wat orig un erstaunlich weer
nüms fund dat irgendwo wedder
De Imke reep lickherut
Ik hebb dat nich nohmen
dat weer bestimmt de Wiehnachsmuus
de över Nach weer komen
Een driddet Mal verschwund van Boom
an denn de Kugeln hungen
een Wiehnachsmann ut Eierschum
un anner Schokoladentungen
De Silke sä denn lickherut
ik hevv dar nix van nohmen
dat weer bestimmt de Wiehnachsmuus
de över Nach weer komen
Un Alke, Brigitte un denn Papa
de reepen wat förn Plag
de böse Muus is woller dar
un just an de Fierdag
Blot Mudder snackte kin Klagewurt
se sä unümwunden
sünd ers de Slikkereen weg
is uk de Muus verswunnen
Un würklich wahr…de Muus bleev weg
sobald de Boom weer leer
sobald dat letzte Festgebäck
äten un verzehrt weer
Segg jemand nu, bi eem to Huus
bi Ute oder Ellermann
dar gäv dat kine Wiehnachsmuus
denn twifel ik doran
Doch segg ik nix wat jemand kränkt
dat kunn jo so passen
wat man van Wiehnachsmüüs denkt
blivt jeden överlaten